Pages

Wednesday, December 19

Hurting


Paano kung sinaktan ka ng taong pinakamamahal mo, I mean by all means. Namumugto ang mata mong papasok sa office kung saan din sya nagtatrabaho. Naglalakad ka sa hallway at nakasalubong sya. Napatingin ka, at ganun din sya sayo. Pero una nyang binawi ang tingin nya. By that time, gusto mo na lang humagulgol at umiyak sa isang tabi, pero syempre, pinigilan mo. Ayaw mong magmukang mas kawawa sa harap nya. Hanggang sa nilagpasan nyo na ang isa’t isa. Tumulo paisa-isa ang luha mo. Noon mo lang narealize, wala na ang lahat sa inyong dalawa. Hindi mo na kaya, dahil hindi ka katulad nya na parang walang pakiramdam. Dumiretso ka sa tagong cr sa lobby para dun humagulgol ng walang ibang nakakarinig. Namumugto na naman nito ang mata mo. Paano mo ito itatago sa lahat ng makakakita sayo. Paano mo sila pipigilan ng amuin ka dahil sa tuwing ginagawa nila yun, lalo kang naiiyak at nalulungkot. Naghilamos ka, at umaasang medyo huhupa ang mugto ng mata mo sa ginawa mong paghilamos ng muka. Pero paglabas mo ng cr, nakita mo ulit sya, may kausap sa telepono. Umatras ka papasok ulit pero malelate ka na, kaya naglakad ka na lang kahit andun pa sya. Naisip mo, napakamalas naman ng araw na ito o. Minsan talaga, kung sino ang ayaw mong makita, sya yung paulit-ulit mong nakikita. Nasa tapat ka na ng elevator, at sabay bukas naman nito. Nakahinga kang maluwag, pero nung pagpasok mo at pagharap sa pinto ng elevator, muntik ka ng magcollapse, dahil paanong napunta sya sa elevator e hindi mo naman naramdaman na kasunod mo pala sya papunta sa elevator. Sumara ang pinto, ang laki pa rin ng mata mo sa pagkakabigla. Pero gusto mo na lang maglaho nung sinabi nyang,
“Can we talk?”


0 comments: