Pages

Monday, August 9

"Kwento Ng Buhay Kolehiyo Ko!!" (makarelate kaya kayo??)

Habang nagbabyahe ako kanina, ang daming tumatakbo sa isip ko.

Kasing dami ng mga naganap sa buhay ko simula ng magkolehiyo ako. 
Ang bilis pala talaga ng panahon, paklatapos ng school year na ito,
isang taon na lang gagraduate na ako. Sila ate Kaye graduating na pala, 
magsisimula na ang pagharap nila sa totoong buhay.

18 na pala ako, next year 19 na. 
Madami ng librong nabili, at madami na ding pahinang hindi nasulatan.
Madami na ding handouts na nasulatan
at sa kabutihang palad ay nakatabi pa naman sila sa mga gamit ko. 
Madami na ding ballpen na nabili,
ang iba ay naubos ang tinta, karamihan ay nawala. 

Madami na ding buhok na nagupit para maging bangs, 
madami na ding pasyenteng naalagaan, 
byaheng hindi na mabilang,
pasaherong nakatabi sa bawat jeep at bus. 
Madami na ding bus na navandalize,
text msg. na nasent at nareceive. 

Madami na ding exams na naibagsak
pero karamihan naman ay pasa.
Madami ng daang nadaanan, lugar na napuntahan, 
nakaing 39'ers, C1, mcfloat at spareribs.
Madami na ding tricycle na nasakyan, driver na kinainisan.
C.I. na minahal at kinabuwisitan. 

Hinimatay na din ako sa byahe bago pa ito umandar,
madaming nakakita, 
madami din akong kahihiyang nakuha. 

Minsan ko na ding minahal ang pagme-makeup duty. 
Madami ng naging kaklase, dumating at nawala. 
Tawang napakawalan, luhang tumulo,
pawis na tumagaktak at dugong umagos.
Madami ng stockings na nasira at sapatos na nabasa dahil sa ulan.
Payong na nasira, nanakaw, at nawala.


Pero gaya ng isang byahe, 
kelangan din nating tanggapin na gaano man kahaba o katagal ang isang bagay, 
ang lahat ay laging may katapusan.......

:))


0 comments: