Pages

Thursday, August 12

AUGUST 11, 2010

Isang taon na ang nakalipas.
Hindi na ganun kalinaw ang mga naganap noong Aug. 11, 2009.


'Di tulad noong isang taon, umuulan ngayon.
Malakas ang kulog , maliwanag ang mga kidlat.
Tila ba nakikisama.


Matagal ko ng tinapos ang kabaliwan.
Hinarap ko na din ang totoong mukha ng buhay.
Na ang lahat ay nagtatapos sa masaya o malungkot na paraan.


Palakas ng palakas ang ulan.
Wala akong ibang naririnig kundi ang mga patak nito sa aming bubungan.
Hindi tulad ng parehong araw isang taon na ang nakakaraan.
Sa gitna ng madilim at payapang gabi,
Tanging tibok lang ng aking puso ang aking naririnig.
At ang kinabukasang naiisip na gusto kong isigaw sa buong paligid.


Ngayon, ang mga pangarap at saya dulot ng kahapon,
Wari'y inaanod na ng bahang unti-unting tumataas
Habang ang ulan ay lumalakas.


Wala akong magawa,
Wala din namang dapat gawin.
Hayaang makawala ang isip at puso.
Itapon ang lahat ng mga pangako.
Alisin na ang hinagpis ng nakaraan.
At magpatuloy na sa landas na dapat kong lakaran.





0 comments: